Skilmálar

Skilmálar Brooks Ísland

Meginupplýsingar

Þessir skilmálar gilda um sölu á vöru og þjónustu Brooks Ísland (Run2 ehf.) til neytenda. Skilmálarnir, sem staðfestir eru með staðfestingu á kaupum, eru grunnurinn að viðskiptunum. Skilmálarnir og aðrar upplýsingar á brooks.is eru einungis fáanlegar á íslensku.

Um neytendakaup þessi er fjallað í lögum um neytendakaup, lögum um samningsgerð, lögum um rafræn viðskipti og aðra rafræna þjónustu, lögræðislögum og lögum um persónuvernd og meðferð persónuupplýsinga.

1. Skilgreining

Seljandi er Run2 ehf., kennitala 640211-0320, virðisaukaskattsnúmer 107400. Run2 ehf. er skráð í fyrirtækjaskrá.

Kaupandi er sá aðili sem er skráður kaupandi á reikningi. Kaupandi verður að vera orðinn að minnsta kosti 14 ára til að versla í vefverslun Brooks Ísland.

2. Trúnaðarupplýsingar

Brooks Ísland heitir viðskiptavinum sínum fullum trúnaði um allar þær upplýsingar sem viðskiptavinurinn gefur upp í tengslum við viðskiptin. Um meðferð allra persónuupplýsinga fer í samræmi við lög nr. 77/2000 um persónuvernd.

Farið er með allar persónuupplýsingar sem Brooks Ísland móttekur sem algjört trúnaðarmál og þær aðeins nýttar í þeim tilgangi að klára viðskiptafærslu. Ef viðskiptavinur óskar eftir því að fá tilboð sent í tölvupósti mun seljandi einungis notast við þær upplýsingar sem til þess þarf, þ.e. netfang.

Einungis starfsfólk Run2 ehf. hefur aðgang að persónuupplýsingum sem fyrirtækið hefur á skrá. Persónuupplýsingar eru ekki veittar þriðja aðila, að undanskildum þeim þjónustuaðilum sem nauðsynlegir eru til að ljúka viðskiptunum — greiðslumiðlun og flutningsaðilum — og þá einungis þær upplýsingar sem afgreiðsla pöntunarinnar krefst.

Nánar er fjallað um hvaða upplýsingum er safnað, í hvaða tilgangi og hver réttindi þín eru í persónuverndarstefnu Brooks Ísland.

3. Verð og greiðsla

Greitt er með greiðslukorti á öruggri greiðslusíðu Teya. Kortaupplýsingar eru slegnar inn hjá Teya og fara aldrei um brooks.is.

Öll birt verð á brooks.is eru með virðisaukaskatti. Verð geta breyst án fyrirvara vegna rangra verðupplýsinga, innsláttar-, tækni- eða prentvillna. Seljandi áskilur sér rétt til að rifta kaupum sé greitt rangt verð vegna innsláttar-, tækni- eða prentvillna.

4. Heimsending og afhendingarskilmálar

Pantanir eru sendar með Dropp eða Póstinum, eftir því hvaða sendingarmáti er valinn í kassanum. Við gefum okkur 1–2 virka daga til að tína til pöntunina og koma henni til flutningsaðila.

Ef pantað er eftir klukkan 14, um helgar eða á frídögum fer pöntun af stað næsta virka dag.

Ef afhendingu seinkar mun seljandi tilkynna það kaupanda ásamt upplýsingum um hvenær pöntunin verður tilbúin til afhendingar, eða bjóða sambærilega vöru ef varan er uppseld.

Sé pöntun afhent á afhendingarstað, svo sem Dropp-box eða pósthús, gildir sá frestur til að sækja hana sem flutningsaðilinn veitir. Sé hún ekki sótt innan þess frests fer hún til baka til seljanda.

Hafi greidd vara ekki verið sótt innan 2 mánaða eftir að hún er tilbúin til afhendingar fer hún aftur í sölu. Run2 ehf. áskilur sér rétt á að endurgreiða ekki ósóttar pantanir.

5. Skilaréttur

Skilaréttur Brooks Ísland er samkvæmt lögum um húsgöngu- og fjarsölusamninga nr. 46/2000. Viðskiptavinur hefur 14 daga til að hætta við kaupin eftir að varan hefur verið keypt, að því tilskildu að varan sé í upprunalegu ástandi ásamt umbúðum. Kvittun fyrir vörukaupunum þarf að fylgja með. Endurgreiðsla er framkvæmd að fullu ef ofangreind skilyrði eru uppfyllt og eftir að varan er móttekin. Flutnings- og póstburðargjöld eru ekki endurgreidd. Endursending á vörum til skila eða skipta er á ábyrgð kaupanda nema ef um gallaða eða ranga vöru er að ræða.

Skilaréttur gildir ekki af útsölu- eða afsláttarvörum nema að um galla sé að ræða.

Ef vara er gölluð, eða ef vara skilar sér ekki til þín í pósti, skal hafa samband við okkur strax í gegnum netfangið brooks@brooks.is.

6. Upplýsingar

Seljandi áskilur sér rétt til að aflýsa pöntun kaupanda í heild eða að hluta ef varan er uppseld. Undir þeim kringumstæðum fær kaupandi símhringingu eða tölvupóst ásamt upplýsingum um hvað gæti mögulega hentað í staðinn. Kaupandi fær þá möguleika á að samþykkja þá tillögu eða aflýsa pöntun í heild sinni.

Allt efni á brooks.is er eign Run2 ehf. Öll afritun og endurdreifing er með öllu óheimil nema með skriflegu leyfi. Vörumerkið Brooks og efni því tengt er eign Brooks Sports, Inc.

7. Lög og varnarþing

Þessi samningur er í samræmi við íslensk lög. Rísi mál vegna hans skal það rekið fyrir Héraðsdómi Reykjavíkur. Skilmálar þessir gilda frá 12.8.2026. Ef þú þarft nánari upplýsingar, sendu okkur þá fyrirspurn á brooks@brooks.is og við svörum þér eins fljótt og auðið er.

Skilmálar Vildarklúbbs Run2 ehf.

1. Um Vildarklúbbinn

Run2 ehf. (hér eftir „við“, „okkar“) starfrækir vildarpunktakerfi („Vildarklúbburinn“) fyrir viðskiptavini sína. Þátttaka í Vildarklúbbnum felur í sér fullt samþykki á þessum skilmálum. Punktasöfnun og punktanotkun fer fram í þeim verslunum og vefverslunum Run2 ehf. þar sem klúbburinn er í boði hverju sinni.

2. Vildarpunktasöfnun

Félagar í Vildarklúbbnum safna punktum þegar þeir kaupa vörur eða þjónustu sem gefa punkta samkvæmt gildandi reglum klúbbsins á hverjum tíma.

Takmarkanir: Ekki er hægt að safna punktum við kaup á gjafakortum, endurgreiddum viðskiptum eða öðrum vöruflokkum sem við kunnum að undanskilja hverju sinni.

Skráning á kaupaugnablikinu: Það er á ábyrgð félagans að framvísa aðildarupplýsingum við kaup til að fá punkta skráða. Punktar eru einungis skráðir á kaupaugnablikinu og að jafnaði er ekki hægt að fá punkta skráða afturvirkt.

Eignarréttur: Vildarpunktar hafa ekkert peningagildi og óheimilt er að flytja þá á milli aðila, selja eða skipta þeim utan Vildarklúbbsins.

3. Vildarpunktanotkun

Hægt er að nota vildarpunkta sem greiðslu fyrir vörur eða þjónustu samkvæmt gildandi reglum um punktanotkun á hverjum tíma.

• Vildarpunktar verða aldrei leystir út fyrir reiðufé.
• Lágmarksupphæð punkta við notkun gæti verið til staðar.
• Þegar punktar eru notaðir dragast þeir strax frá punktastöðu félagans. Ef viðskipti eru síðar felld niður eða vöru skilað fást punktarnir ekki endurgreiddir, nema sérstök ákvörðun sé tekin um annað af okkar hálfu.

4. Gildistími vildarpunkta

Vildarpunktar gilda í 24 mánuði (2 ár) frá þeim degi sem þeir ávinnast.

Gildistíminn er miðaður við hvern söfnunardag fyrir sig (e. rolling basis). Það þýðir að sérhver punktasöfnun fyrnist nákvæmlega 24 mánuðum eftir að hún var skráð, óháð annarri virkni á reikningnum.

Útrunnir punktar eru varanlega fjarlægðir af reikningnum og ekki er hægt að endurvekja þá. Það er á ábyrgð hvers félaga að fylgjast með punktastöðu sinni og hvenær punktar renna út.

5. Misnotkun og uppsögn aðildar

Við áskiljum okkur rétt til að frysta, loka eða hafna þátttöku í Vildarklúbbnum, og fella niður alla áunna punkta án bóta, ef við teljum ástæðu til að ætla að félagi:

• hafi gefið upp rangar upplýsingar við skráningu eða í viðskiptum;
• hafi misnotað eða reynt að hagræða Vildarklúbbnum með hætti sem samræmist ekki tilgangi hans;
• hafi tekið þátt í sviksamlegu athæfi, þar með talið en ekki takmarkað við að búa til gervipunkta, stofna fjölda reikninga eða hafa samráð við aðra um slíkt;
• hafi aðhafst nokkuð það sem við teljum skaðlegt Vildarklúbbnum, rekstri okkar eða öðrum félögum.

Ákvörðun þessi er alfarið í okkar höndum og við erum ekki skuldbundin til að gefa upp ástæður fyrir uppsögninni.

6. Breytingar eða lokun á Vildarklúbbnum

Run2 ehf. áskilur sér rétt til að breyta eða leggja Vildarklúbbinn niður hvenær sem er, að hluta eða í heild, með því eða án þess að tilkynna slíkt sérstaklega. Þetta felur í sér rétt okkar til að:

• breyta reglum um söfnun eða notkun punkta;
• breyta verðgildi punkta eða þeim fríðindum sem eru í boði;
• breyta eða fjarlægja hvers kyns fríðindi sem tengjast klúbbnum.

Verði Vildarklúbburinn lagður niður munum við leitast við að gefa félögum 15 daga fyrirvara til að nýta áunna punkta áður en þeir falla niður. Run2 ehf. ber enga ábyrgð á tjóni eða tapi sem félagar kunna að verða fyrir vegna ónýttra punkta í kjölfar lokunar eða breytinga á klúbbnum.

7. Takmörkun ábyrgðar

Að því marki sem lög leyfa tökum við enga ábyrgð á:

• tapi sem hlýst af fyrningu, niðurfellingu eða lokun punkta;
• tæknilegum bilunum sem koma í veg fyrir að hægt sé að safna eða nota punkta;
• breytingum á Vildarklúbbnum sem gerðar eru í samræmi við þessa skilmála.

8. Lög og lögsaga

Skilmálar þessir lúta íslenskum lögum. Rísi mál út af skilmálum þessum skal reka það fyrir Héraðsdómi Reykjavíkur.

9. Samskipti

Spurningum varðandi Vildarklúbbinn skal beina á brooks@brooks.is.